أداة لازم تكون عند كل صانع مجوهرات11
لو نفسك تصمم عقد أو خاتم أو حتى أساور، لازم يكون عندك كام أداة تساعدك تسهل الشغل. مفيش داعي تشتري حاجات كتير وأنت مش عارف الأساسيات، خلينا نشوف الأدوات الأساسية اللي لازم تبدأ بيها.
1. كماشة بأنف مسطح
دي هتبقى أكتر أداة هتستخدمها. بتساعدك في فتح الحلقات وإنهاء أطراف الأسلاك، ولها استخدامات كتير. حاول تجيب منها نوعين عشان تمسك أي حاجة من غير ما تسيب علامات على المعدن.
2. كماشة بأنف مدور
الكماشة دي هتساعدك تعمل حلقات وانحناءات في السلك بسهولة، وهتحتاجها لما تعمل منحنيات ناعمة.
3. كماشة برأس نايلون
لو بدأت تشكل الأسلاك، ممكن تلاقي السلك اتعوج معاك. الكماشة دي بتفرد السلك من غير ما تكسره.
4. قاطعة الأسلاك
لازم تجيب نوع جودة كويسة عشان تقطع الأسلاك السميكة بدون ما تتلف بسرعة.
5. قاطع متوازي الأطراف
لو شغلك بيحتاج تقطيع كتير، القاطع ده بيعملك تقطيع نظيف ومن غير أطراف حادة. بس خلي بالك من سمك السلك عشان ما يتلفش القاطع.
6. سلك تجريبي
ما تبدأش بأسلاك فضة أو دهب، جرب الأول على أسلاك نحاس أو أي سلك رخيص عشان تتمرن من غير ما تخسر فلوس.
7. مسطرة
المسطرة العادية تكفي، بس لو عندك مسطرة شفافة هتسهل عليك تشوف القياسات بدقة.
8. أداة قطع الأقراص
لو محتاج تقطع أشكال دائرية أو مربعة بنفس المقاس أكتر من مرة، دي الأداة اللي هتسهل عليك الشغل.
9. منشار المجوهرات
للأعمال اللي فيها تفاصيل صغيرة وبتحتاج قطع دقيق، المنشار ده هيبقى مفيد ليك. ممكن تلاقي شفرات مختلفة تناسب شغلك.
10. أسلاك بمقاسات مختلفة
الأسلاك بتيجي بمقاسات كتير، لكن الأحجام اللي غالبًا هتحتاجها هي 24، 26، و28.
11. خيالك
بص حواليك، ممكن تلاقي أدوات تانية تساعدك وتبتكر بيها. مش كل حاجة لازم تتجاب، ساعات حاجات بسيطة في البيت بتساعد.
دي الأدوات اللي هتحتاجها عشان تبدأ في عالم صناعة المجوهرات
هبه جلال