ازاي تستغل بواقى الكورشية و تغطّي الكابلات بتاعتك
كل شوية بنلاقي إن عندنا أجهزة إلكترونية أكتر، ومعاها كابلات وشواحن أكتر. وأوقات كتير بتبقى مشكلة نلاقي الشاحن اللي عايزينه! بس النهارده هنساعدك بخطوة بسيطة جدًا! مش هتضيع كابلاتك وشواحنك تاني
الموضوع كمان فيه إعادة تدوير، لأننا هنستخدم قطع القماش القطنية اللي باقية من مشاريعك القديمة. تقدر تستخدم لون واحد أو ألوان مختلفة، وهتعمل شكل جديد ومميز لكل الكابلات والشواحن اللي عندك، وكده هتبقى عارف دايمًا أي شاحن بتاعك.
كل الي هتحتاجة
بواقي قطن بألوانك المفضلة.
إبرة كروشيه خشب مقاس 5 مم.
كابل USB.
ملحوظة مهمة: لازم الكابل اللي هتستخدمه يكون حالته سليمة تمامًا! اتأكد إن الطبقة البلاستيك اللي بتغطي الأسلاك من جوه مش متقطعة أو فيها حاجة باينة.
الخطوات:
اعمل عقدة في طرف الكابل اللي عايز تغطيه.
باستخدام إبرة الكروشيه، اعمل غرز "سلسلة" على طول الكابل، لحد ما يتغطى بالقطن.
لو عايز تعمل الكابل بألوان مختلفة، غيّر اللون بالطريقة اللي تعجبك، وخلّي أطراف الخيط الصغيرة جوه الغرز.
الموضوع سهل جدًا! لما تخلص وتوصل لنهاية الكابل، اعمل عقدة تانية وخبّي باقي الخيط جوه الغرز. كده شاحنك هيبقى مميز ومش هتتلخبط تاني.
لو محتاج تفكر إزاي تعمل غرزة "سلسلة"، ممكن تشوف شروحات الكروشيه هنا.
جربت قبل كده الطريقة دي عشان تغيّر شكل الكابلات بتاعتك؟ لو بدأت، ما تنساش تبعتلنا صور لشغلك على صفحه كرافتى ورك شوب
#إعادة_تدوير #كروشيه #أشغال_يدوية #ديكور_سهل #أفكار_إبداعية #غطاء_كابلات #خياطة #إبرة_كروشيه #أفكار_بيتية #مشاريع_يدوية #أفكار_سهلة #تزيين_كابلات #إعادة_استخدام #مشاريع_إبداعية #ديكور_بيت #تنظيم_كابلات #فن_الكروشيه #تصميم_يدوي #إعادة_تصميم #بسيط_ومميز
